hadotalove
اهلا بك زائرنا العزيز

hadotalove



 
الرئيسيةس .و .جبحـثالأعضاءالمجموعاتالتسجيلدخول

شاطر | 
 

 مشكلة اليوم (يجبرونها على قول كلمة احبك... ماذا بوسعها أن تفعله؟)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin
Admin
avatar

ذكر
عدد الرسائل : 1769
العمل/الترفيه : لاعب كرة قدم
المزاج : ممتاز
اعلام الدول :
تاريخ التسجيل : 02/06/2008

مُساهمةموضوع: مشكلة اليوم (يجبرونها على قول كلمة احبك... ماذا بوسعها أن تفعله؟)   الأربعاء يوليو 30, 2008 12:26 am

مساء الخير عليكم يا احلى أعضاء منتدانا الجميل
بصوا بقا يا جماعة النهارده انا اجت في بالي مشكلة كانت قابلت صحبتي قبل كده و انا يوميها قلت لصحبتي مش عارفة ارد عليكي اقولك ايه و اسالي حد كبير يفيديك بس هي خطرت على بالي تاني فقلت اعرضها عليكم المشكلة تتمثل في الأحداث اللي هحكيهالكم دي كالتالي :-




البنت دي يا جماعة هي بنت زي اي بنت من البنات بتحلم بفارس أحلامها و حاطة فيه مواصفات معينة و هي حتى إن كانت ليست فائقة الجمال فإنها في قمة الأدب و الأخلاق و الزوق و هذا ما يجذب الشباب لها.


البنت دي قابلتها المشكلة دي كتير و وقعت في مشاكل كتير بسبب الحكاية دي بس اخر مرة تقع في المشكلة دي كانت ابتديت تتعب و تزهق فقالت تسال حد من صحباتها المقربين ليها اللي هو انا يعني بس انا الصراحة مقدرتش اساعدها فنصحتها انها تاخد رأي حد كبير و رأي رجل دين.


مشكلة البنت دي يا جماعة أنها بعض الشباب اللي بينجذبولها بيفضلوا يطاردوها و يطاردوها بدون كلل أو ملل في الكلية بره الكلية في المواصلات بيطاردوها بمصارحتهم ليها بحبهم و إلحاحهم عليها بمبادلتها لهم بالحب بس هي مش بتحب واحد فيهم فالواحد اللي بيجي يصارحها و يلح عليها انها تبادله مشاعر الحب بتصارحه انها مبتحبوش و انه مينفعش و بتبرر و بتصرحلهم بأسبابها و لكن من غير فايدة فهما بيفضلوا على رأيهم و تصميمهم لحد ما البنت في الاخر البنت بتقول لنفسها طيب اجرب احاول ابادله مشاعر الحب يمكن الاقي فيه ضالتي اللي طالما حلمت بها و هي متاكدة انها مش بتحبه و انه مفيهوش صفات فارس احلامها لكن هي بتحاول و بتتفقد كل شئ في شخصيته و طباعه و لكن دون جدوى مفيش فايدة هي مش لاقية اي انجذاب شخصي للشاب ده.


طبعا الفترة اللي هي كانت بتكتشف في شخصيته و تتفقد فيها كانت بتوبقا مجبرة تقوله حبيبي و روحي و الكلام ده عشان متجرحش مشاعره و في الاخر هي بتكتشف انها برضه مفيش حاجة من ناحيتها له فبتوقف الحال ده و بتقرر انها تصارحه انها مش بتحبه و مش عارفة و لا قادرة تحبه و بالطبع بيكون شعور الشاب بالذهول و الدهشة و الحزن و الغضب و مشاعر كتيرة بيكون حاسسها في اللحظة اللي هي بتقوله كده و بيكون رد فعله بالغضب العارم عليها و محاولة أذيتها بأي شكل من الأشكال و محاولة رد الجرح ليها بأي شكل من الأشكال و هي بتتحمل كل ده و بتبعد عنه لفترة طويلة شوية لحد ما يروق و يهدا او حتى يكون نسيها و لقا حب يقدر يتعايش معاه


المهم بعد الفترة اللي بتسيبه فيها دي بترجع تتكلم معاه عشان توضح له موقفها و تقوله انها صارحته من الأول بعدم مبادلتها له بمشاعر الحب و ان هو اللي الح عليها بالرغم من مصارحتها له بعدم حبها ليه.


بس يا جماعة بعد الفترة اللي بتسيبه فيها دي بترجع بتلاقيه زي ما هو متغيرش في حاجة و حبه ليها زي ما هو متغيرش و غضبه العارم عليها زي ما هو أينعم هو بيقبل يسمع مبرراتها و بيسمعها للاخر بس يا جماعة ده بيسمع للاخر بعد كده بيديها على نفوخها و بيجرحها بالكلام جامد اوي و هي بتستحمل كل ده وبتلتمسله العذر لأنها مقدرة شعور المحب بدون أمل و بيكون ردها عليه انها اجت توضح موقفها بس مش اكتر و كمان تاكدله رغبتها في الابتعاد عنه و رغبتها في انه ينساها و بعدها بتقفل الحوار معاه و تمشي لكن هي بتمشي كلها جراح منه


انا يا جماعة رايي انها غلطانة انها قالت تجاريه يمكن تحبه و هي متاكدة من عدم انجذابها و استلطافها ليه بس معرفتش ارد عليها ايه و لا اقولها تعمل ايه و كان ردي عليها زي ما وضحتلكم قبل كده انها تاخد راي حد كبير او حتى رجل دين


بس المشكلة دي خطرت على بالي فجأة فقلت اخد رايكم و اسمع آرائكم في الموضوع دة
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://hadotalove.yoo7.com
 
مشكلة اليوم (يجبرونها على قول كلمة احبك... ماذا بوسعها أن تفعله؟)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
hadotalove :: خاص بالمرأه :: الحب الرومانسية-
انتقل الى: